Pak minuta më parë ka mbërritur në aeroportin e Rinasit trupi i pajetë i 23-vjeçarit shkodran Florenc Beqirit. Ai u masakrua pak ditë më parë në një burg në Marsejë të Francës ku ra edhe në koma. Por në spitalin ku po dergjej iu hoqën aparaturat që mbanin në jetë dhe djali u nda nga jeta.
Familjarët e të riut mes lotësh presin në aeropotin e Rinasit që tua japin trupin e pajetë dhe nuk kanë dashur të thonë asnjë fjalë pasi edhe dhimbja e tyre është e madhe. Daja i Florencit për “Fax News” është shrpehur se trupi i të riut do të niset menjëherë drejt Shkodrës, në shtëpinë e tij pasi prej ditësh po e presin familjarët që të bëhet edhe ceremonia e varrimit. Trupi i tij i pajetë u nis që dje nga Franca , ku udhëtoi drej Gjermanisë dhe më pas me avion u nis drejt Shqipërisë.
Pas ditë më parë daja i Florenc Beqirit, Bashkim Hasani për “Fax News” është shprehur se 23-vjeçari është rritur me fukarallëk dhe ka punuar si lavazhjer para se të kërkonte azil në Francë. Ai shprehet më tej Florencit ia hoqën aparaturat pasi nuk kishte kush t’i paguante paratë në spital.
“Kam ardhur në Tiranë për të protestuar në mënyrë paqësore. Prej 2 vitesh e gjymë ishte azilant në Francë. Ne duam të gjejmë fajtorin se nuk ishte i tillë ai djalë. Është rritur me fukarallik, u nis për një jetë të ndershme dhe po kthehet siç po kthehet. Në katër ditët e fundit është arrestuar nga policia. Pse e bëri këtë shteti francëz ai vajti për të punuar? Ai shkoi për një jetë më të mirë. I kërkoj shtetit shqiptar që të zbardhet e vërteta. Aparaturat iu hoqën Florencit sepse shokët e tij na thanë që këtu në spital është shumë shtrenjtë. Nga ambasada atje nuk ndërhyri asnjeri. Pse e neglizhuan? Pse i ranë për shkurt? E vranë për fonde , për arye pse nuk kishin të paguanim. Kur ja kanë heur aparaturat nuk kanë qenë aty babai. Ai kurrë nuk mund të vriste veten, ishte një djalë I zgjuar, nuk kishte arsye. Hera e fundit që na ka marrë në tel na ak thënë që do kthehen dhe më dilni para të më paguani autobuzion se nuk kam para me vete. Këtu ka punuar lavazhjer për të mbajtur familjen. “, u shpreh daja i Florencit, Bashkim Hasani. (J.V/Faxweb)
