Presidenti Ilir Meta ka folur për herë të parë në lidhje me votën e Shqipërisë kundër SHBA-ve në OKB.
Ai është shprehur se nuk e kishte mendur kurrë që Shqipëria do të votonte në atë mënyrë pasi sipas tij kishte tre opsione dhe vota pro rezolutës ishte e panevojshme. Ai tha se nuk është kontaktuar për këtë çështje as nga ministria e Jashtme as nga kryeministria.
“Është një çështje delikate. Por gjithmonë ne me përgjegjshmëri tonë duhet të ruajmë interesat tona. Çdo votim tjetër nga ai që u ndërmor do të ishte i pranueshëm. Një mundësi ka qenë abstenimi, as për ta dënuar por as për ta mbështetur, ashtu si shumë vende tjera zgjodhën abstenimin. Për derisa Amerika është në vlerësimin tonë aleati më i rëndësishëm stratëgjikë, ishte votim i panevojshëm”, tha Meta në “Opinion”.
Ai u shpreh edhe për letrën që i ka dërguar presidentit Trump pas votës kundër ku i shprehte keqardhje.
Meta tha se ajo letër kishte si qëllim qartësimin e pozicionit të presidentit për këtë çështje.
“Letra ime nuk ka të bëjë me shqetësimin se vota jonë nuk i sjell dëm të madh Amerikës por ka të bëjë me qartësimin e pozicionit tim në raport mr Amerikën por edhe në raport me qytetarët shqiptarë që kudo ku janë nuk e kanë pritur mirë këtë votim”, tha Meta. (B.H/Faxweb)
