Azilkërkuesit shqiptarë ‘kapin’ rekord, Irlanda u bllokon hyrjen 408 personave në 2017-ën

Azilkërkuesit shqiptarë në vendet e Bashkimit Europian vijojnë të përhapin shqetësim.

Pas alarmit të ngritur nga Franca dhe Holanda se numri në rritje i azilkërkuesve është një problem për këto vende, kësaj here është Irlanda që ka nisur refuzimin e hyrjes.

Gazeta Irlandeze “Irish Times”, në një shkrim të ditës së sotme shkruan se 408 shqiptarë janë kthyer në pikat kufitare gjatë 2017-ës. Shqiptarët dyshohen se do kërkonin azil.

Akti i Emigracionit irlandez i vitit 2004, përcakton 11 baza mbi të cilat një individi mund t’i refuzohet hyrja në Irlandë.

Rreth 483 brazilianë, 408 shqiptarë, 239 shtetas të Shteteve të Bashkuara, 231 afrikano-jugorë dhe 132 qytetarë pakistanezë iu refuzua hynrja në tokën irlandeze vitin e kaluar, duke shënuar një rritje të vazhdueshme të numrit të shtetasve që kërkojnë të shkojnë në këtë vend.

Shumica e të refuzuarve shqiptarë ishin meshkuj. (F.G/ Faxweb)