Shpërthen zjarri në Katedralen e Korçës, panik te qytetarët (VIDEO)

Një zjarr i përmasave të mëdha ka rënë para pak minutash në Katedralen ”Ringjallja e Krishtit” në qytetin e Korçës.

Siç shihen në videon e ‘’Faxweb” qytetarë të shumtë  kanë qenë të pranishëm gjatë meshës dhe janë panikuar nga situata. Në meshën e mbajtur ka qenë i pranishëm edhe Presidenti Meta, i cili prej dy ditësh ndodhet në rajonin juglindor. 

Policia dhe zjarrëfikësja ndodhen në vendin e ngjarjes që po punojnë për shuarjen e flakëve. Zjarri ka nisur në pjesën e korridorit, ku edhe ndizen qirinjtë. 

Fatmirësisht nuk raportohet për njerëz të lënduar, ndërsa pritet që të bëhet evidentimi i dëmeve materiale. 

(E.K/FAXWEB) 

https://www.youtube.com/watch?v=WWaYC9MWcKk&feature=youtu.be

https://www.youtube.com/watch?v=J0JWrOQxmB0&feature=youtu.be