Kapen 700 kilogram drogë në Skrapar, ishte fshehur mes pyllit

Një aksion anti-kanabis është zhvilluar së fundi në Skrapar. Në një zonë të pyllëzuar janë gjetur disa thasë të mbushur me kanabis.

Kanabisi është gjetur në fshatin Ujanik, pas kontrollit të ushtruar nga polcia në vendin e quajtur “Qafa e Qershisë”.

Aksioni u krye në bazë të informacioneve të marra në rrugë operative nga Specialistët për Hetimin e Narkotikëve në Drejtorine Vendore të Policisë në Berat.

Në një zonë të pyllëzuar në dy vende të ndryshme u zbulua 697 kg kanabis, e futur në thasë.

Pas veprimeve hetimore u arrestua shtetasi Hekuran Musabelliu, i dyshuar si posedues i saj.

Materialet i kaluan Prokurorisë së Rrethit Gjyqesor Berat për veprën penale “Prodhim dhe shitje të lëndëve narkotike”.

(E.K/FAXWEB)