Koreja e Veriut dhe Koreja e Jugut kanë rënë dakord për të mbajtur bisedime ushtarake për të zbutur tensionin kufitar, pas takimit të tyre të parë të nivelit të lartë në dy vjet.
Koreja e Veriut gjithashtu do të dërgojë një delegacion në Lojrat Olimpike Dimërore 2018 që po zhvillohen në Korenë e Jugut në shkurt.
Gjithashtu u arrit dhe një marrëveshje për të rivendosur një linjë telefonike ushtarake të pezulluar dy vjet më pare. Megjithatë, delegacioni i Veriut ishte negativ në temën e denuklearizimit, raporton BBC.
Shtetet e Bashkuara e mirëpritën me kujdes këtë takim. Departamenti i shtetit tha se SHBA mbeten në konsultime të ngushta me zyrtarët e Koresë së Jugut.
Jugu i kërkoi Veriut t’i jepte fund çdo akti armiqësor që mund të rriste tensionet, ndërsa Veriu ra dakord se kishte nevojë për të garantuar një mjedis të qetë në gadishull, shkruan BBC.
Në fjalën e tij të hapjes, kreu i delegacionit të Koresë së Veriut, Ri Son-gëon, ishte mjaft neutral. Ai tha se shpresonte se bisedimet do të sillnin një “dhuratë të mirë” për vitin e ri dhe se Veriu kishte një “qëndrim serioz dhe të sinqertë”.
Bisedimet u mbajtën në fshatin e paqes “Panmunjom” në zonën e çmilitarizuar (DMZ) në kufi.
(M.Q/Faxweb)
Discussion about this post