Autoriteti i Konkurencës në një relacion që mban datën 28 dhjetor 2017, vlerëson se rritja e çmimit të ujit nga Bashkia Tiranë është e pabazuar dhe se pesha më e madhe e të ardhurave vjen nga rritja e faturave sesa nga përmirësimi i rrjetit të furnizimit të ujit në Tiranë.
Autoriteti sugjeron se çmimi i ujit duhet të jetë në proporcion me shërbimin, gjithashtu dhe rritja e tij.
“Rritja e tarifave duhet të jetë graduale dhe në përputhje me kriteret e performancës, në mënyrë të veçantë të orarit të furnizimit me ujë,”thuhet në relacion.
Më tej, në vendimin shoqërues Autoriteti i Konkurrencës shton se Bashkia e Tiranës i ka bazuar investimet në këtë sektor tek rritja e çmimit, duke mos shqyrtuar mundësi alternative si marrja e një kredie.
Në vendimin e AK-së theksohet gjithashtu se struktura e kostos për tarifën e ujit nuk është e detajuar.
(F.G/Faxweb)
Discussion about this post