Mund të duket një profesion në dukje i lehtë, ama edhe aktrimi ka vështirësitë e tij. Sidomosa kur është fjala për skena të nxehta, që mentaliteti shqiptar ende nuk është mësuar që ti shohë.
Ditën e djeshme aktorja e njohur për rolin kryesor në filmin “Unë, Ti dhe Kasandra”, Rozi Kostani, tha se edhe sot mund të luajë filma me skena erotike.
Pyetjes së Dojnës nëse do të interpretonte filma me skena të nxehta, Rozi iu përgjigj me humor ‘po’, nëse pagesa do të ishte e kënaqshme.
“Kam interpretuar në 10 filma gjatë karrierës sime, e megjithatë asnjëherë nuk kam interpretuar skena të nxehta. Por nëse do të më ofronin një shumë të madhe parash edhe mund të pranoja”.
Aktorja gjithashtu rrëfeu se gjatë karrierës së saj si aktore është fokusuar më tepër tek teatri sesa tek filmi.
Por nëse vajza e saj një ditë do të zgjedhë të bëhet aktore, Rozi tha se kjo gjë nuk do t’i pëlqente, sepse aktrimi është një profesion që në Shqipëri nuk paguhet mjaftueshëm.
(E.K/FAXWEB)
Discussion about this post