Manjani: Shteti po funksionon me drejtues të përkohshëm, peshkun e madh që thotë zoti ambasador duhet ta kapte SPAK-u, u hodh në plehra

Ish-ministri i Drejtësisë, Ylli Manjani është shprehur se shteti shqiptar po funksion me drejtues institucionesh të përkohshëm.

Manjani shpjegoi në emisionin “Opinion” se mënyra se si mazhoranca zgjodhi kryeprokuroren e përkohshme e hodhi ligjin në plehra.

Ai tha se peshku i madh që ka përmendur ambasadori amerikan, nëse lexojmë ligjet shqiptare, duhet të funksiononte nëpërmjet SPAKUT.

Sipas tij, pyetja është se për çfarë arsye nuk po krijohet SPAKU?

Manjani tha se peshqit e mëdhenj, politikanët, i heton SPAKU, por ai ka rënë në plehra bashkë me Kushtetutën.

“Ligjin e hodhën në plehra, iku ligji, si do të ndizen njerëzit pa ligj? Peshkun e madh që thotë zoti ambassador duhet ta kapte SPAK-u, por ka rënë në plehra bashkë me kushtetutën. Tani a ka mundësi të më thotë dikush se si do ta bëjnë këtë”, tha Manjani. (B.H/Faxweb)