Kreu i Bashkisë së Lezhës gjatë takimit me Ramën dhe ministrat ka folur për darkën e mbrëmshme. Duke iu referuar titullit të veprës së Kadaresë “Darka e gabuar”, ai ka thënë publikisht se kjo në fakt nuk ishte “një darkë e gabuar’.
“Nuk ishte e gabuar, ishte e duhura në kohën e duhur, u diskutua për shumë gjëra dhe për probleme konkrete, edhe pse nuk jeni në të njëjtin drejtim politik me kryeministrin. Lezha ka nevojë për shumë investime dhe do ta falënderoj nëse do të bëhen realitet, pasi investimet i shërbejnë turizmit dhe popullsisë së zonave”, tha kreu i bashkisë Lezhë.
Më tej ai thumboi Ramën për protestën e djeshme.”Unë do të jem në datën 27 janar në protestë, më gjithë partinë time, nuk diskutohet. Dje kisha forcën ta ndaloja atë protestë, por nuk kisha asnjë arsye ta ndaloja atë protestë, pasi nga biseda edhe ju u bindët se ata kishin të drejtë”, tha ai.
Pas tij reagoi Rama i cili u shpreh: Ik, por vetëm ujësjellësin lerë në punë. (J.V/Faxweb)
Discussion about this post