Pas 10 vitesh Barcelona më në fund ia ka dalë të fitojë në fushën e Real Sociedad ku ka triumfuar me rezultatin 2-4 në një ndeshje spektakolare.
Barca është gjendur në disavantazhin e dy golave pasi ekipi vendas shënoi përkatësisht në minutën e 11’ dhe të 34’ me anë të Ëillian Jose dhe Juanmi, por Barcelona është rikthyer në lojë me atë të Paulinhos në minutën e 39.
Dukej se mallkimi 10-vjeçar do të vazhdonte edhe këtë herë, por në pjesën e dytë ekipi katalanasit kanë treguar një tjetër fytyrë.
Luis Suarez ishte ai që shënoi dy golat e përmbysjes, 51’ dhe 71’, goli i parë ishte i mrekullueshëm, ndërsa në minutën e 85 Lionel Messi shënoi një gol spektakolar nga një goditje dënimi, portieri ngeli i shtangur.
Pas kësaj fitoreje Barcelona tashmë ndodhet 19 pikë para Realit të Madridit i cili ndodhet në një krizë rezultatesh. (B.H/Faxweb)
Discussion about this post