Një ngjarje e rëndë ka ndodhur në orët e para tq mëngjesit të sotëm në qytetin e Sarandës.
Një person është gjetur i pajetë në lagjen numër 4 të qytetit të Sarandës rreth orës 04:00 të mëngjesit të sotëm.
Mësohet se viktima është Leonard Qasari 62 vjeç, i cili është gjetur nga qytetarët e zonës me shenja gjaku. Trupi i tij është gjetur poshtë pallatit ku ai banonte, me familjen e së motrës.
Sipas Policisë së Sarandës viktima ka rënë nga shkallët dhe ka goditur kokën. Më pas ai është përpjekur të dalë në trotuar ku ka gjetur dhe vdekjen.
DETAJET E POLICISË:
Më datë 15.01.2018, rreth orës 05:25, në lagjen ”Nr.4”, mbi trotuar është gjetur i pajetë dhe me dëmtime në kokë e pjesë të trupit, shtetasi L.Q., 61 vjeç, banues në lagjen Nr.4, Sarandë.
Nga verifikimi paraprak dhe kqyrja që u është bërë kamerave ka rezultuar se shtetasi ka rënë nga shkallët e katit të gjashtë në hyrjen e pallatit ku banon dhe pasi ka rënë është munduar të ngrihet e të ecë ku më pas ka ndëruar jetë mbi trotuar.
Nga veprimet e para hetimore të kryera dyshohet se shtetasi ka qënë nën efektin e pijeve alkoolike. Grupi hetimor po vijon punën për dokumentimin e rrethanave të ngjarjes.
(E.K/FAXWEB)
