Lidhur me situatën e motit kapiteneria në Durrës bën të ditur se orët në vijim do ketë përkeqësim të kushteve të motit dhe mund të mos ketë nisje të trageteve të darkës. Ndërsa në mëngjes në portin e Durrësit tragetet kanë mbërritur pa vonesa duke patur parasysh që ky port ka në basenin e tij dallgëthyese që mbrojnë krijimin e madh të dallgëve ndryshe nga porti i Vlorës.
DETAJE:
Moti i keq me erë të fortë dhe det të trazuar nuk e ka penguar mbërritjen në kohë të trageteve mëngjesin e së mërkurës, ndërsa reshjet e shiut po vështirësojnë kthmin e anijeve tregtare. Nga “Qendra e Informacionit” mësohet se dy tragetet e linjës Bari – Durrës, përkatësisht “AF Francesca” dhe “Bari” kanë mbërritur në port sipas grafikut të parashikuar, rreth orës 7.30 të mëngjesit.
Mësohet gjithashtu se në kalatën 6 anija “BF Philipp”, e cila mbërriti sot paradite, pritet të nisë përpunimin në shkarkim-ngarkim të kontejnerëve. Anija “Forward” me 3093 ton grurë në kalatën 4 e ka ndërprerë përpunimin për shkak të reshjeve të shiut që nisën gjatë natës. Pas paradites të së hënës, edhe sot parashikohen reshje shiu, që parashikohet të vështirësojnë përpunimin e anijeve në kalata. Ndërkaq, pasdite pritet edhe mbërrija e tragetit “AF Michela” të linjës Ankona-Durrës. (J.V/Faxweb)
Discussion about this post