E plagosi me armë gjahu të riun, arrestohet 55-vjeçari në Has

Një ngjarje e rëndë ka ndodhur në Has pasi një 28-vjeçar u plagos me armë gjahu. Sipas policisë është vënë në pranga autori i ngjarjes. 

“Menjëherë në vendin e ngjarje kanë shkuar forcat e Policisë dhe grupi hetimor, ku nga hetimet paraprake ka rezultuar se shtetasi Zek Asllanaj, 55 vjeç, banues në Gjinaj pas një konflikti për motive të dobëta ka plagosur me armë gjahu, shtetasin A.B., në pjesën e barkut”, thuhet në njoftimin e policisë. 

Po kështu 55-vjeçarit iu sekuestrua edhe arma e gjahut e dyshuar që është përdorur në vendin e ngjarjes.

I plagosuri ndodhet në spitalin e Kukësit jashtë rrezikur për jetën, ndërsa grupi hetimor po punon për dokumentin e plotë të ngjarjes. (J.V/Faxweb)