Personi i cili kërcënoi se do të hidhej nga shtylla e tensionit në Lundër ka zbritur. Skënder Dodaj ka zbritur nga shtylla dhe po shoqërohet në komisariat. Ai është bindur të zbresë pas bisedimeve me familjarët dhe policinë.
Mësohet se Skënder Dodaj kërcënoi se do të hidhej nga shtylla pasi ka probleme pronësie. Pranë pronës së tij po ndërtohet një rrugë.
DETAJE:
Me datë 18.01.2018, rreth orës 13:10, në Sallën Operative ka ardhur një telefonatë se në Lundër, se një shtetas ka hipur në shtyllën e një tensioni të lartë dhe tenton të dëmtoje veten.
Menjëherë në vendngjarje kanë shkuar shërbimet e Policisë, Ambulanca dhe Zjarrëfiksja ku ka rezultuar se:
Në Lundër, pranë një qendre tregtare shtetasi Skënder Doda, ka hipur në shtyllën e tensionit të lartë dhe kërcenin se do të vetedëmtohet, pasi sipas tij ka rrëshkitur toka dhe i ka dëmtuar shtëpinë.
Shërbimet e Policisë ndodhen në vendngjarje dhe po negociojnë për ta zbritur. (J.V/Faxweb)
Discussion about this post