Një grua gjermane është dënuar me vdekje nga një gjykatë në Irak pasi ajo u largua nga vendi i saj për t’u bashkuar me grupin terrorist ISIS. Gjykata në Bagdad dënoi gruan gjermane, identiteti i së cilës nuk bëhet i ditur, për “dhënien e ndihmës logjistike grupit terrorist me qëllim për të kryer krime” dhe ka urdhëruar ekzekutimin e saj.
Abdul-Sattar Bayrkdar, Zëdhënësi i Këshillit të Lartë Gjyqësor, thotë se gruaja pranoi të bashkohej me Isis pasi udhëtoi nga Gjermania në Siri dhe pastaj në Irak së bashku me dy vajzat e saj. Të dy vajzat më vonë u martuan me militantë të ISIS.
Forcat irakiane kanë arrestuar një numër të konsiderueshëm të grave të huaja pasi ata e zhvendosën ISIS nga territori i tij i mëparshëm në Irakun verior dhe qendror. (M.Q/Faxweb)
Discussion about this post