Meqë qeveria është kthyer pothuajse dixhitale, një kirurg nga Durrësi i ka shkruar kryeministrit Rama në ‘’Facebook” se pavarësisht rezultateve shumë të mira ai është papunë.
Remi Likaj, quhet mjeku nga Durrësi që thotë se ka mbaruar me rezultate të shkëlqyera dhe ka brë stazhin e punës jashtë vendit, por prej muajsh rend pas një vendi pune. Sipas tij drejtorët e spitaleve rajonale i kanë mbyllur derën në fytyrë.
Çfarë shkruan mjeku në komentin e tij:
Remi Likaj Pershendetje Z.Kryeminister. Jam nje mjek specialist Kirurg Oro Maxillo Facial i diplomuar ne Shqiperi gjithashtu dhe me nje stazh pune te konsiderueshem ne spitalin e Ancones ne Itali.
Kam mbi 6 muaj qe kerkoj nje vend pune ne spitalet rajonale dhe bashkiake si Durres, etj, por drejtoret e spitaleve ma mbyllin deren ne fytyre.
Kam mbaruar me mesatare specializimi ekselente por nuk duan Tja dine asnje nga spitalet per sakrificen qe kam bere dhe mundin tim.
Kam dorezuar dosjen time bashke me kurrikulumin ,diplomat e trajnimet brenda dhe jashte shtetit ne ministrine e shendetsise.
Por asnje pergjigje konkrete. Zoti Kryeminister une dua te punoj dhe te jap maksimumin tim ne baze te njohurive dhe formimit tim si mjek specialist.
Ju lutem me ndihmoni qe te gjej nje vend pune ketu ne spital, ne vendin tim.Kam besim se ju dini ti zgjidhni gjerat ne menyren me te mire te mundshme. Te falemnderit.
(E.K/FAXWEB)
