Të gjithë e mbajmë mend këngën e famshmë shqiptare edhe pse kanë kaluar rreth 12 vjet që nga publikimi i saj për herë të parë.
“Albanian” përveç se një ritëm të bukur, përmban edhe vlera patriotizmi, sepse i kushtohet traditave, vlerave shqiptare e atdhedashurisë.
Mirëpo në një vend shumë pranë nesh ku ka edhe shumë shqiptarë ajo nuk do të transmetohet më.
“Televizioneve malazeze u është ndaluar transmetimi i kësaj kënge e madje dy televizione kanë marrë vërejtje në lidhje me këtë çështje,”- shkruan gazeta “Blic”.
Televizionet “Boin” dhe “Teuta” kanë marrë vërejtje pasi kanë transmetuar këngën e famshme me rastin e festës së Pavarësisë së Shqipërisë.
Menjëherë ka ardhur edhe reagimi i artistëve që e kanë krijuar këtë këngë.
“Pas shumë paralajmërimeve, siç duket shteti i Malit të Zi paska urdhëruar ndalimin e transmetimit të këngës ‘Albanian’,”- shkruan Genc Prelvukaj në një postim në rrjetet sociale.
Ndërsa reperi Lyrical Son ka shkruar: “#Albanian ju s’mund të ndaloni!”
(F.M/Faxweb)
