Blendi Fevziun u bë vite që e shohim në drejtim të emisionit të tij politik, dhe herë pas here në ekrane rivale ai sfidohet nga të tjerë emra të gazetarisë.
Mirëpo për vetë moderatorin konkurrentët më të mëdhenj nuk janë ata që të gjithë ne dinim, dhe aq më pak Ylli Rakipi.
I pyetur konkretisht nëse e sheh si konkurrent emisionin e Ylli Rakipit mbrëmjeve të së enjtes dhe nëse do të preferonte Sokol Ballën në vend të tij, Fevziu ka dhënë një përgjigje që nuk pritej.
“Unë kam konkurrencë nga e hëna të mërkurën 22:00 me 23:15 dhe të enjten 21:00 me 23:00. Çdo lloj emisioni, çdo emër moderatori, e madje edhe çdo film apo telenovelë janë konkurrentë.
Të enjteve ajo që më shqetëson është një telenovelë turke e Klan Plus”-është shprehur moderatori i njohur në një intervistë për ‘’panorama plus”.
Mesa duket të paktën Blendi e ka kuptuar më së miri që shijet e audiencave janë të drejtuar më së shumti drejt serialeve turke. Ose të paktën mediat i kanë orientuar më së miri drejt tyre.
(E.K/FAXWEB)
Discussion about this post