Ndahet nga jeta ish-deputeti i PD-së në Dibër, humbi betejën e gjatë me sëmundjen

Është ndarë nga jeta ish-deputeti i PD-së në zonën e Matit. Idriz Xhomara  ka humbur betejën e gjatë me sëmundjen e tij në moshën 68-vjeçare.

Lajmi bëhet i ditur nga deputetja e PD, Dhurata Çupi përmes një statusi në Facebook. Deputetja thotë se me ndarjen nga jeta të Idriz Xhomarës, PD në Mat humbi njeriun e vlerave të patjetërsueshme.

Reagimi i Dhurata Çupit:

Një ikje e parakohshme, një largim që lë pas shumë dhimbje por edhe vlera. Sot mora lajmin e hidhur të ndarjes së parakohëshme nga jeta të ish deputetit Idriz Xhomara,I cili lë pas një kontribut të jashtëzakonshëm për zhvillimin e demokratizimin e Matit.

Deputeti i përballjeve të drejtpërdrejta dhe i guximit Idriz Xhomara sot nuk është më mes nesh, pasi një sëmundje e papritur i mori jetën në moshën 68 vjecare.

Përcjell ngushëllimet e mia familjarëve, gruas dhe fëmijëve për këtë humbje . Zoti u dhëntë forcë për ta përballuar. Me ndarjen nga jeta të Idriz Xhomarës PD Mat humbi njeriun e vlerave të patjetërsueshme por që na le detyren për t’i vijuar. Ngushëllime.

(E.K/FAXWEB)