Ish-deputetja demokrate Majlinda Bregu, ka reaguar pas lajmit të bërë publik në media se Bregu është emëruar si Sekretare e Përgjithshme e Këshillit të Bashkëpunimit Rajonal.
Në reagimin e saj, Bregu shkruan se këtë pozicion do e fitojë me aftësitë e saj, duke hedhur poshtë zërat për një ndikim të mundshëm të qeverisë Rama. Bregu shton se përzgjedhja bëhet në bazë të votimit nga të gjitha vendet e Evropës.
Reagimi i plotë:
Po lexoj nje lajm qe paska marre dhene per aplikimin tim per pozicionin e Sekretarit te Pergjithshem, te Keshillit te Bashkepunimit Rajonal .
E para: PO! Kam aplikuar me emrin tim per kete pozicion. I cili eshte i pari i ketij niveli qe nese do ta fitoj, i jepet nje shqiptari.
E dyta! Nuk eshte pozicion qe varet nga qeveria shqiptare dhe per rrjedhoje nuk mund te ofrohet nga qeveria shqiptare. Nota duhet te percillet zyrtarisht nga Ministria e Jashtme sic ndodh me cdo kanditat nga vendet e tjera qe kane aplikuar.
Zgjedhja e Sekretarit te Pergjithshem eshte nje proces i gjate perzgjedhje, votimesh ne disa nivele nga te gjitha vendet e Evropes Juglindore dhe ku Komisioni Europian eshte partneri i tij kryesor. Sigurisht qe nuk i kushton asnje lek taksapaguesve shqiptare.
E fundit! Nese do ta fitoj kete pozicion, do te jete nje nder per mua, Shqiperine dhe Shqiptaret kudo ne rajon.
(F.G/Faxweb)
