Përmes një postimi në faqen e tij në ‘Facebook’ gazetari investigativ Basir Çollaku ka publikuar një vendim të Gjykatës së Krimeve të Rënda ku sipas tij është vendosur që hetimet për Moisi Habilajn, Artan Habilajn, Nazer Seitajn, Maridjan Sulajn, Arman Koçerrin etj hetimet të zgjasin nga data 19 janar 2018 deri ne 19 prill 2018.
Por në document nuk ndodhet emri i ish-ministrit Saimir Tahiri. Çollaku shtron pyetjen nëse hetimet për ish-ministrin e Brendshëm janë pushuar ose janë veçuar.
POSTIMI I ÇOLLAKUT:
Pushohen apo veçohen hetimet per Saimir Tahirin nga Krimet e Renda?!?!
A eshte zgjatur afati i hetimit per Sajmir Tahirin me tre muaj nga Prokuroria per Krime te Renda?! Per Moisi Habilajn, Artan Habilajn, Nazer Seitajn, Maridjan Sulajn, Arman Koçerrin etj, qe ishin bashke te pandehur me Sajmir Tahirin Krimet e Renda kane ve dosur te zgjasin hetimin nga data 19 janar 2018 deri ne 19 prill 2018. Thua te jene pushuar hetimet per ish ministrin e brendshem i akuzuar si bashkepunetor ne kete grup te trafikut te droges!?! Ne kete vendim ku jane te pandehurit e tjere emri i Tahirit mungon..
Ndoshta eshte veçuar çeshtja, ose ka pasur kohe mjaftueshem per ta sajdisur..Ndoshta surprizat hetimore jane per me vone, apo do te ndryshojne akuzat?! Diçka do kete ndodhur…
(B.H/Faxweb)
