Ridvan Bode i përgjigjet Rezart Taçit: Nuk t’a mbylla unë ARMO-n

Ish-ministri i Financave Ridvan Bode iu është përgjigjur akuzave të Rezart Taçit në lidhje me falimentimin e ARMO-s.

Rezart Taçi në një deklaratë bërë pak kohë më parë në emisionin “Opinion” u shpreh se kompania e administruar prej tij ARMO u mbyll për shkak të presioneve dhe padrejtësive të bëra nga ministria e financave.

Në një intervistë dhënë po për këtë emision, Bode i hedh poshtë akuzat, duke u sprehur se paketa fiskale kërkonte të ndalte abuzimet me taksat dhe favorizimet. 

“Nuk më intereson se çfarë ka thënë ai për mua. Më ka interesuar vetëm që kjo kompani të kishte rendimet të lartë. Nuk ka pasur asnjë mbyllje të saj.

Nëse do të krijonte një borxh, do të kishte një presion nga ana e tatimeve për të marrë taksat. Ka pasur një politikë fiskale për të mos lejuar abuzimet dhe favorizimet me taksat në atë kohë”, tha ish-ministri Ridvan Bode.

(E.K/FAXWEB)