Banorët e pallatit që rrezikon shembjen në lagjen e Kodër Shtuf në Gjirokastër u shprehën për Fax News se asnjë nga institucionet shtetërore vendore nuk ka marrë masa për problemin e tyre. Ato kërkojnë kërkojnë që të largojnë baltën nga banesat e tyre.
Enkelejda, banore e pallatit shprehet se është e shqetësuar pasi nuk po marrin asnjë masë për banesat e tyre.
“Priten shirat dhe nuk është dhënë të paktën një zgjidhje e përkohshme. Ne nuk kemi ku të jetojmë. Këto nuk po bëjnë asgjë, priten shira, jemi shumë të shqetësuar. Nuk ka ardhur asnjë punëtor i bashkisë. Kjo është një situatë emergjente dhe nuk trajtohet si e tillë. Asnjë nuk ka ardhur nga institucionet. Unë banoj në kat të 6 dhe do të fle në shtëpinë time, bashkë me dy fëmijët e mi.
Jemi të painformuar, masivi dheut është akoma këtu. Duhet të marri masa qeveria. Kjo është gjendje emergjente sepse rrezikon jetën e njerëzve. 3 familje kanë dal nga banesa fare sepse ka ardhur balta deri në kat të tretë. Duam masa konkrete që të zgjidhet situta, nuk duam ushqime, duam të shpëtojmë shtëpinë, çatinë e kokës.” u shpreh banorja.
Ndërkohë që një tjetër banorë u shpreh se shtëpia e tij ka dalë jashtë përdorimit dhe se ka qendruar tek të afërmit.
(M.Q/Faxweb)
Discussion about this post