Prapaskenat/ 4 votues e kishin me merak të tregonin se kë mbështetën. Dukën apo Finon

Ka përfunduar raundi i parë i votimeve për kreun  e FSHF-së. Asnjë prej kandidatëve nuk ka marrë 2/3 e votave, pra 44 vota.

Duhet thënë se nga votimi Duka është më i avantazhuar për raundin e dytë të votimeve në krahasim me rivalin e tij Fino. 

Në raundin e parë ai ka marrë 39 vota nga 65 në total. Kandidati i tretë Shpëtim Hala nuk ka marrë asnjë votë, duke u përjashtuar nga raundi i dytë. 

Komisioni i verifikimit hasi shenja identifikuese të votave në letrën votimit. Anëtarët e komisionit bënë thirrje që shenja votuese të ishte vetëm një plus ose një kryq.

“Mos bëni kryqe e pluse deri në cepat e kutisë së votimit, apo shenja në formë “u-je” që të identifikoheni se për kë keni votuar. Tregohuni më seriozë ju lutem,” thanë anëtarët e komisionit.

(E.K/FAXWEB)