Ministri i Financave, Arben Ahmetaj, në një postim në Facebook, i ka kthyer përgjigje kreut të PD-së, Lulzim Basha lidhur me klimën e biznesit në Shqipëri.
Paraditen e sotme, Basha publikoi disa statistika që sipas tij, tregojnë mbylljen e bizneseve dhe përkeqësimin e situatës ekonomike në vend.
Në përgjigjen e tij, Ahmetaj shprehet se shifrat janë të pasakta, pasi numri i bizneseve të reja është rritur.
“Ekonomia matet me shifra dhe shifrat, përtej emocioneve politike, janë lehtësisht të verifikueshme.
Në janar 2018 janë regjistruar në Qendrën Kombëtare të Biznesit 2394 biznese të reja dhe janë ç’regjistruar 732. Efekti neto është 1662 biznese të reja në ekonomi, nga 1425 që ishin në janar 2016, ose thënë ndryshe, një rritje prej 237 biznesesh më shumë se një vit më parë, vetëm për muajin janar.
Përmirësimi i mëtejshëm i terrenit ekonomik dhe klimës së biznesit është sfidë që vazhdon, por koha kur bizneset mbyllnin qepenat për shkak të frikës e pasigurisë, për shkak të gjobave elektorale dhe borxheve kolosale të qeverisë ndaj tyre, është e shkuar e largët për sipërmarrjen shqiptare”-shkruan Ahmetaj.
(F.G/Faxweb)
Discussion about this post