Denoncimi/ MAS u ndal mësuesve 1000 lekë nga rroga për Bashkinë e Tiranës

Pas nxënsve duket se është radha e mësuesve që të paguajnë për të financuar mbjelljen e pemëve nga bashkia e Tiranës.

Partia ‘Zgjidhja’ ka publikuar një denoncim ku një mësuese ku thotë se MAS u ka mbajtur nga rroga 1000 lekë për pemët. Mësuesja thotë se më e pakta duhej që të njoftoheshin për këtë veprim nga ana e MAS.

Postimi i partisë ‘Zgjidhja’

Prej dy javësh shumë prindër kanë denoncuar pagesat që u kërkohen fëmijëve të tyre nga stafet e shkollave, për të financuar mbjelljen e pemëve nga bashkia e Tiranës. Por nëse nxënësve u kërkohen që të sjellin lekë nga shtëpia, mësuesve u janë marrë pa i pyetur, pa i vënë në dijeni dhe jashtë vullnetit të tyre nga 1000 lekë nga pagat e muajit janar. Kështu thotë edhe një denoncim që erdhi në profilin e kryetarit të “Zgjidhja”-s, Koço Kokëdhima në Facebook.

Ja mesazhi i një mësuesi

“Përshëndetje z. Kokëdhima! Duku uruar të jeni mirë ju dhe familja juaj e nderuar, doja të ndaja me ju një problem shumë shqetësues. Jo më larg se dje MAS na ka mbajtur nga rroga, ne mësuesve 1000 lekë për pemët. Si mundet ky shtet të prekë pagën e një punonjësi?! Më e pakta të njoftojne e të na vënë në dijeni. Faleminderit!”-thuhet në mesazhin e mësuesit nga Tirana.

(B.H/Faxweb)