Ardi Veliu shkarkon zëvendësin e tij, kujt ia beson ‘krahun e djathtë’

Pas emërimit të Ardi Veliut si drejtor i Përgjithshëm i Policisë së Shtetit, ka të tjera lëvizje në radhët e policisë.

Kështu mbrëmjen e djeshme është shkarkuar nga detyra e zv.drejtorit të Përgjithshëm të Policisë, Rebani Jaupaj, dhe në vend të tij është emëruar Gjovalin Lokaj.

Ndërsa  Jaupaj është emëruar Drejtor i Analizës së Informacionit në Policinë e Shtetit,duke zëvendësuar në këtë detyrë Shaban Nexhin.

Më herët Jaupajju komandua Drejtor i Përgjithshëm i Policisë, pas shkarkimit të Haki Çakos, ndërsa Lokaj më herët ka mbajtur detyrën e Drejtorit të Policisë së Shkodrës.

Menjëherë pas marrjes së detyrës Ardi Veliu ka nisur një fushatë analize në të gjitha drejtoritë vendore. Policia e Shkodrës së fundi ka zhvilluar një operacion të rëndësishëm si ai i ndalimit të personave që i bënë atentat me tritol Lulzim Kullës, ndërsa më herët u zhvillua operacioni ”Balerina”. 

(E.K/FAXWEB)