Projekt-ligji i hartuar nga qeveria për strehimin social ka hapur diskutime sot nga opozita në Komisionin e Ligjeve. Pjesë e diskutimit ishte edhe strehimi për anëtarët e komunitetit LGBT që sipas projektligjit kjo kategori që përfiton me prioritet strehim nga shtetit, mund të sjellë abuzime.
Deputetë të PD-së dhe LSI-së, ngrenë dyshime se përfshirja e personave që vijnë nga komuniteti LGBT, si kategori që përfiton me prioritet strehim nga shtetit, mund të sjellë abuzime.
Silva Caka ngriti shqetësimin e verifikimit “Si e keni menduar ju si hartues, si do ta verifikoni një person që vjen dhe kërkon strehim social nëse ai është apo jo person LGBT? Nuk kam asnjë lloj paragjykimi, të mos keqkuptohem, por nëse ne nuk e saktësojmë mirë në ligj mund të lëmë hapësira për abuzime”.
Ndërkohë Gent Strazimiri tha se “Të jesh pjesë e komunitetit LGBT është çështje zgjedhjeje, jo fatkeqësi natyrore. Pse duhet përfshirë në këtë kategori?”.
Deputeti demokrat Enkelejd Alibeaj hodhi dyshime se me këtë projektligj mund të pastrohen lekët e drogës:“Keni dy mekanizma mbështetje në ligj. Ju detyroni me ligj investitorët privat që një pjesë t’ia dhurojë shtetit, kjo është një frymë bolshevike. A mos është një skemë e pastrimit të parave të drogës”.
“Do të kryhet përmes vetëdeklarimit, duke e plotësuar me elementët e bashkëjetesës së verifikueshme. Për këtë do të na vijnë në ndihmë shoqatat specifike të këtij trageti”.
Përfaqësuesit e ministrisë së Ekonomisë dhe Financave thanë se identifikimi i personave LGBT do të bëhet përmes vetëdeklarimit dhe me ndihmën e shoqatave dhe se gjithashtu do të kryhet përmes vetëdeklarimit, duke e plotësuar me elementët e bashkëjetesës së verifikueshme.
(M.Q/Faxweb)
Discussion about this post