Po mbahet takimi i Komitetit Parlamentar të Stabilizim Asociimit për negociatat BE-Shqipëri.
Romana Vlahutin kryetarja e Delegacionit të BE në Shqipëri, Romana Vlahutin është shprehur optimiste për çeljen e negociatave të Shqipërisë për në BE, dhe theksoi se Shqipëria ka një mundësi të artë për të hyrë në bisedime.
Vlahutin u shpreh se ka diçka që nuk mund të bëjë BE për Shqipërinë, por që duhet ta bëjnë vetë shqiptarët: “Të bëheni një dhe të bëni një aleancë të fortë kundër gjithë padrejtësive dhe krimeve”- u shpreh Vlahutin.
“Ky vend duhet të bëjë përpjekje, të ketë ritme të qëndrueshme nëpërmjet reformave. Për sa i përket rezultateve të procesit, duhet të presim raportin përfundimtar. Shqipëria ka bërë punë të jashtëzakonshme me reformën në drejtësi. Ne kemi parë rezultate të shkëlqyera dhe do vazhdojmë të kërkojmë rezultate.
Shqipëria është treguar e zgjuar dhe strategjike, duke i paraprirë reformave. Hapja e diskutimeve për pranim nuk është dhuratë, është përshpejtim përpjekjesh.” u shpreh Vlahutin.
(M.Q/Faxweb)
