Kreu I PD-së Lulzim Basha ka kritikur kryeministrin Edi Rama pas takimit të tij me pedagogët ku me tone të ngritura tha se pedagogat nuk kanë çfarë të kërkojën dhe ata nuk mund të ankohen se s’ka shkumësa, apo është prishur brava e derës, madje ai paralajmëroi edhe masa.
‘’ç’a kërkoni nga qeveria. Si mund të çohet një profesor e të thotë, “S’kemi skumësa, e ka fajin ligji”. Ç’është kjo! Deri ku mund të shkojë absurdi televiziv? Ç’është kjo?”, tha Rama, duke i quajtur bisht kavalli.
Basha thotë se nuk ka pamje më të trishtë se një kryeministër i ulur në krye të vendit duke ju dhënë leksion profesorëve të ulur si nxënës në auditor, duke i marrë në pyetje e duke ju dhënë edhe lejen të flasin apo jo.
Sipas Bashës ka vetëm një zgjidhje për arsimin e lartë: autonomi e plotë akademike, financiare dhe administrative dhe universitete jo-fitimprurëse, jashtë kontrollit të qeverisë dhe të pronarëve.
POSTIMI I BASHËS:
Nuk ka pamje më të trishtë se një kryeministër i ulur në krye të vendit duke ju dhënë leksion profesorëve të ulur si nxënës në auditor, duke i marrë në pyetje e duke ju dhënë edhe lejen të flasin apo jo.
Kryeministri që mbledh Senatin e Universitetit, kërcënon dhe fyen pedagogët, përqesh dhe denigron profesorët, është dëshmia e “pavarësisë” fallso të universitetit publik, ku rrogat i vendos ministri, strukturën e shkollave e vendos ministri, programet i vendos ministri, madje edhe ditën e fillimit të vitit shkollor e vendos ministri.
Pedagogëve që kërkuan ballafaqimin, ju është fshehur dhe i sulmon e ju hakërrehet nga frëngjia e bunkerit ku ka futur përdhunshëm shumë nga të emëruarit e tij.
Universiteti duhet të bëjë para, duhet të bëjë biznes, ju thotë kryeministri pedagogëve, sepse edhe universitetin ky e sheh si bizneset e ndërtimit me të cilët ndan paratë. Një kryeministër injorant që nuk kupton se dija dhe shkollimi nuk është mall si çdo mall tjetër dhe universitetet nuk janë firma ndërtimi është në krye të një qeverie që mbjell injorancë.
Ka vetëm një zgjidhje për arsimin e lartë: autonomi e plotë akademike, financiare dhe administrative. Ka vetëm një zgjidhje për arsimin e lartë: universitete jo-fitimprurëse, jashtë kontrollit të qeverisë dhe të pronarëve. (B.H/Faxweb)
