Rama i përgjigjet Asqeriut: Lekët do i marrin ata që bëjnë teatër, jo ata që luajnë bingo

Kryeministri Edi Rama në fjalën e tij në Kuvend i është përgjigjur aktorit Bujar Asqeriu për akuzat e tij për gjendjen e teatrit në Shqipëri.

Rama tha se paratë për të ndërtuar teatër do t’i marrin ata që ndërtojnë teatër jo ata që luajnë bingo në ambientet e teatrit.

Rama tha:

“Ngrihet miku im Bujar Asqeriu dhe thotë pse na ndodhi kështu. Po ashtu do të ndodhte, s’ka si ndodh ndryshe. Fondi që jep qeveria duhet të jetë në dispozicion të atyre që bëjnë teatër dhe që bëjnë filma, jo të atyre që dikur kanë bërë teatër dhe filma. Jo ata që marrin rroga se kanë bërë teatër në kohën e partisë së Saliut. E kam fjalën për partinë e parë. Ja ku jemi sot, një degradim i jetës teatrore. Të rinjtë janë më të diskriminuarit. Ato pesë lekë t’i marrin ata që bëjnë teatër dhe jo ata që luajnë bingo në teatër”.

(F.G/Faxweb.al)