Kryeministri Edi Rama nga kuvendi i Kosovës ka dalë sot me një propozim të ri.
Një president të përbashkët për Shqipërinë dhe Kosovën, përveç ambasadave dhe përfaqësive diplomatike.
“Kosova dhe Shqipëria do ta kenë një politikë të jashtme, e jo veç ambasada dhe përfaqësi diplomatike të njëjta, por pse jo, një president si simbol të unitetit kombëtar dhe një politikë kombëtare të sigurisë”, u shpreh Rama nga ceremonia për 10-vjetorin e Pavarësisë.
‘’Mbase ky përfytyrim sot mund të mos jetë i këshillueshëm në rrafshin e nacionales. Por historia për të cilën mora leje qysh në fillim për të mos folur sot na këshillon se çka është e drejtë të ëndërrohet nuk është e pamundur të realizohet.
E ardhmja u takon atyre që i paraprijnë asaj, dhe e shkuara e 20 viteve të fundit të këtij vendi, Kosovës, u ka paraprirë fal njerëzve të po këtij vendi, i një të ardhmeje që në çdo rast është më e afërt sesa largësia që e shohim sot”, u shpreh më tej kryeministri.
(E.K/FAXWEB)
Discussion about this post