Nxënësit dhe mësuesit e mbijetuar të masakrës në Florida lajmëruan një marshim kombëtar drejt Uashingtonit për të kërkuar aksion dhe vendim politik për kontrollin e armëve. Studentët që organizuan mitingun dhe marshimin e planifikuar thanë se janë të vendosur që masakrën e së mërkurës ta shndërrojnë në një pikë kthesë për debatin kombëtar që zhvillohet prej shumë vitesh në Shtetet e Bashkuara mbi armët.
Sulmi i kryer nga ish-nxënësi i shkollës “Marjory Stoneman Douglas”, 19-vjeçari Nicholas Cruz u kushtoi jetën 17 nxënësve dhe mësuesve dhe ishte më vdekjeprurësi në një shkollë në SHBA që prej vitit 2012. Njëra prej të mbijetuarave të sulmit tha se agresori ka probleme të shëndetit mendor por ama kjo çështje nuk ka të bëjë vetëm me shëndetin mendor. Emma Gonzalez tha se ai nuk do të kishte lënduar kaq shumë studentë me një thikë.
Nxënësit dhe mësuesit që i mbijetuan masakrës lajmëruan se marshimi drejt Uashingtonit do të bëhet më 24 mars. Qëllimi i tij është t’u kërkojnë ligjvënesve amerikane të kenë përparësi sigurinë e fëmijëve dhe familjeve.
Discussion about this post