Për herë të parë në Gjermani, partia e ekstremit të djathtë (AFD), ka kaluar në sondazhe socialdemokratët sipas një sondazhi që u publikua ditën e hënë.
Sondazhi u krye nga INSA, dhe u komisionua nga gazeta gjermane “Bild”.
Sipas të dhënave AfD ka një mbështetje 16% krahasuar me 15.5% që kanë socialdemokratët.
CDU e Merkelit ka marrë një mbështetje rreth 32% sipas të njëjtit sondazh.
Rezultati i ulët i SPD-së vjen pas dorëheqjes së kreut të saj, Martin Schulzit javën e shkuar.
Dorëheqja e tij ngjalli jo pak polemika brenda socialdemokratëve.
Në zgjedhjet e shtatorit SPD ka marrë rezultatin më të ulët historik që nga koha e pasluftës.
Pavarësisht rezultit, SPD refuzoi koalicionin me Merkelin, por më vonë u bashkua në koalicionin me bazë të gjerë.
Shumë socialdemokratë mendojnë se SPD-ja do dobësohet më shumë me CSU dhe CDU-në në koalicion.
(F.G/Faxweb.al)
