Moti ka sërish të papritura, çfarë do të ndodhë nesër

Kohët e fundit moti ka qenë i mbushur plot me surpriza. Mes disa ditëve me diell, ka pasur reshje të forta shiu dhe bore sidomos në zonat malore.

Sërish do të ndërrojnë kushtet atmosferike duke rikthyer rrezet e ngrohta të diellit dhe rritje të temperaturave.

Sipas MeteoAlb, orët e para të ditës mbeten me reshje të përkohshme shiu e dëbore kryesisht në zonat Lindore.

Orët e mesditës përmirësojnë kushtet e motit duke sjellë kthjellime të shkurtra në territor, më të shpeshta gjatë pasdites deri në mbrëmje por gjatë natës, vranësirat rikthehen në vend.

Temperaturat e ajrit rriten lehtë në të dy ekstremumet termike ditore duke bërë që vlerat e tyre të luhaten nga 1 në 17°C.

Era do të fryjë kryesisht mesatare, me shpejtësi deri 32 km/h nga drejtimi Jugor duke gjeneruar në det dallgëzimi 2 – 3 ballë.

(F.M/Faxweb)