Historia që tronditi të gjithë botën e showbiz-it në Turqi, 7 muaj më parë, u bë edhe më e rëndë pasi u mësua se bashkëshortja e aktorit dhe moderatorit të njohur Vatan Şaşmaz, Yasemin Adali, ishte në pritje të fëmijës së parë. Dëshirën e tij më e madhe, që të bëhej baba, për fat të keq, Vatan nuk e gëzoi dot.
Vatan Şaşmaz u vra në një hotel në qendër të Stambollit nga ish e dashura Filiz Aker në gusht 2017. Gjendja e rënduar psikologjike e ish-modeles Aker, që u vërtetua më pas edhe nga ekspertët e mjekësisë ligjore, çoi deri në fundin tragjik të aktorit. Me të njëjtën armë, Aker vrau më pas edhe veten.
Gjatë këtyre muajve të vështirë, bashkëshortja e Vatan Şaşmaz, ka qenë mjaft e tërhequr nga mediat dhe gjithçka e ka lënë në dorë të hetimeve të policisë.
Dy ditë më parë, Adali ka sjellë në jetë fëmijën e parë, të cilin e ka pagëzuar me emrin e të atit pa u menduar gjatë, edhe pse dëshira e tij ishte ta quante të birin ‘Noble’.
Mediat turke kanë shkruar këto ditë se Vatan Şaşmaz donte që i biri të quhej ‘Noble’, por Yasemin Adalı i habiti të gjithë me emrin që i vendosi të birit. Vogëlushi quhet Asil Vatan Şaşmaz, në nderim të të atit.
