Projekti i ndërtimit të qendrës historike të Vlorës prek banesat e 40 familjarëve.
Fax News ka qenë në vendngjarje sot kur ka nisur shembja e banesave të tyre, dhe ka kontaktuar me ta.
Banorët e zonës janë shprehur për gazetaren e Fax News, Afrovita Hysaj se jo vetëm që nuk janë paralajmëruar për shembjen e banesave të tyre, por po nxirren jashtë pa asnjë alternativë se ku mund të strehohen.
“Po na nxjerrin në qiell të hapur. Nuk jemi lajmëruar për asgjë, s’kemi ku të shkojmë,”- thanë banorët.
Sipas bashkisë banorët, shtëpitë e të cilëve do të restaurohen, do të jetojnë me qera dhe qeraja për dy muaj do të paguhet nga bashkia.
Por ky vendim përjashton këto familje, pasi shtëpitë e nuk përfshihen në restaurim por për tu shembur, pasi jetojnë në shtëpitë e ish-pronarëve, të vendosur këtu nga shteti.
(F.M/Faxweb)
https://www.youtube.com/watch?v=FilTUPQMvwo
Discussion about this post