Në një reagim në Facebook për projektligjin e vettingut në polici, ish-ministri i Drejtësisë, Ylli Manjani është shprehur se ky është një proces politik përmes të cilit ministri Fatmir Xhafaj do të kapë Policinë e Shtetit.
“Fatmir Xhafaj, i brumosur thellë teorinë dhe praktikën e luftës së klasave, ka sjellë modelin e ri të kësaj lufte që quhet Vetting.
E futi këtë model në drejtësi dhe lëmshi është aty.
Tani po bën të njëjtën gjë në polici.
Qëllimi është i qartë: kontroll politik i qeverisë monopartiake mbi çdo element të shtetit!” – shkruan ai.
Më tej Manjani shpreh rezervat e veta ndaj faktit se Ambasada Amerikane dhe ajo e BE nuk lobojnë rekomandimet ligjore të PAMECA-s por ato të OPDAT-EURALIUS-it, të cilat, sipas Manjanit, kanë kryer dhunime të Kushtetutës.
“Ajo që vijon të më çudisë është si ka mundësi që ambasada e USA dhe delegacioni i BE nuk mbrojnë dot as sugjerimet e ICITAP dhe PAMECA?!!
Kanë bërë goxha vërejtje dhe sugjerime për ligjin e Fatmirit, por partia e Tij nuk i merr në konsideratë!!!
Me memon e EURALIUS dhe te OPDAT, na hapen barkun duke mbeshtetë dhunimin e Kushtetutës!
Ndërsa rekomandimet profesionale të ICTAP dhe PAMECA nuk i lobbojnë fare!
Çudi e madhe me thënë të drejtën!
Ende nuk e besoj që perëndimi do të instaloje luftën e re të klasave në këtë vend!
Pavarësisht, opozita duhet të jetë në një linjë me këto rekomandime profesionale, të paraqitura zyrtarisht nga këto misione në datat 8-9 janar 2018.
Nëse shoku Fatmir nuk tregon ato rekomandime, opozita tja kërkojë zyrtarisht ICITAP dhe PAMECA.
Mund ti ndihmoj dhe une me ndonje kopje te rekomandimeve, nëse nuk i gjejnë dot!” – përfundon Manjani.
(E.L/Faxweb)
