Tjetër aksident i rëndë në Durrës-Kavajë, raportohet për dy viktima. Mes të plagosurve dhe një fëmijë

Një tjetër aksident i rëndë ka ndodhur mëngjesin e sotëm në afërsi të Malit të Robit, në aksin rrugor Durrës-Kavajë.

Si pasojë e aksidentit flitet paraprakisht për dy viktima, ndërsa ka edhe persona të tjerë të plagosur.

Mes të plagosurve është edhe një fëmijë, i cili është dërguar me urgjencë në spital dhe ndodhet në gjendje të rëndë.

Mendohet se mjeti ka dalë nga rruga dhe ka përplasur disa këmbësorë ndërsa ende nuk bëhen të ditur identitetet e viktimave të këtij aksident.

Informacion paraprak i policisë:
Me datë 24.02.2018 rreth orës 07:40, tek Mali i Robit në afërsi të Kavajës, ka ndodhur një aksident me pasojë vdekjen.

Mjeti tip “Toyota” me drejtuese I. P., 30 vjeçe, ka aksidentuar me pasojë vdekjen 2 shtetas (vjehri dhe nusja) shtetasit Xh. F., 69 vjeç dhe E. F., 34 vjeçe. Gjithashtu është lënduar edhe fëmija i mitur XH. F, 8 vjeç, i cili u transportua në spitalin e Durrësit, dhe ndodhet nën kujdesin e mjekëve.

Paraprakisht dyshohet se shkak i aksidentit ka qenë humbja e kontrollit gjatë drejtimit të mjetit. Grupi hetimor po kryen veprimet për zbardhjen e plotë të aksidentit, ndërsa drejtuesja e mjetit është shoqëruar në Komisariat për veprime të mëtejshme.

(E.K/FAXWEB)