U arrestua si bashkëpunëtor në vrasjen e biznesmenit Begalla, kush është oficeri i Policisë që u kap dhe me 1 ton hashash

‘’Faxweb.al” publikon detaje të reja për arrestimin e autorëve për vrasjen e biznesmenit Memli Begalla.

Bashkëpunëtori Ardian Serezi, që u arrestua gjatë ditës së sotme, është kapur në shkurt të 2014 me 1 ton drogë në makinë.

Serezi drejtonte kamionin me targa AA308FX ku u gjet 1 ton hashash. Burime për ‘’Faxweb.al” shprehen se Ardian Serezi ka qenë efektiv i Policisë së Shtetit. Mbetet e paqartë sesi është bërë lirimi i tij.

Policia njoftoj sot se ka arrestuar Denis Demirin, i njohur ndryshe edhe si Alban Demiri së bashku me Serezin.

Si shkak i dyshuar i vrasjes së biznesmenit Memli Begalla është mosshlyerja në kohë e borxheve.

(E.K/FAXWEB)