Qeveria greke është përfshirë nga dy dorëheqje të njëpasnjëshme të ministrave.
Burrë e grua, ministri i ekonomisë dhe zhvillimit në Greqi, Dimitris Papadimitriou dhe Rania Antonopoulou, ministre e punës, kompetente për uljen e Papunesise kanë dhënë dorëheqjen njëri pas tjetrit.
Dorëheqja e gruas erdhi pasi merrte subvencione për qiranë e banesës. Kryeministri i Greqisë, Alexis Tsipras ka pranuar të dyja dorëheqjet e ministrave.
Ndërsa sot do të kryejë kompozim të detyruar brenda pak orësh pas largimit të dy ministrave në fjalë, por edhe për shkak të gjendjes së rënduar të shëndetit te ministrit të Emigracionit, Janis Muzalas, njoftojnë mediat vendase.
Kryeministri grek duhet të shpallë emrat e rinj të kabinetit sa më shpejt. Çifti ministror, më të pasurit e qeverisë sot e të ardhur nga New York për të kontribuuar në nxjerrjen e vendit nga kriza, merrnin edhe asistencë për qira nga populli grek, një skandal ky i zbuluar nga opozita. Gjithsesi, nuk priten ndryshime të mëdha nga kryeministri Cipras, por vetëm të detyrueshme.
(E.K/FAXWEB)
