Avokati i të dënuarit me 25 vite burg nga Gjykata e Sarandës, Ajet Rexhepi ka deklaruar se në bazë të të gjitha provave të dosjes dhe prokurorit të apelit, klienti i tij është i pafajshëm.
Avokati Fran Dashi akuzon gjykatësin Tomor Shkreli për vendimin, sipas tij, të paligjshëm
“Për këtë vendim akuzoj personalisht gjyqtarin Tomor Shkreli i cili ka marrë një vendim që mbron paligjshmërinë që ka kryer prokuroria dhe gjykata e Sarandës.”
“Kam një CD këtu që pasqyron se kush është Tomorr Shkreli – në një vendim të vitit 2009 ku dy fajtorë i ka nxjerrë të pafajshëm. Ky është Tomorr Shkreli” – ka deklaruar për Fax Neës, avokat Fran Dashi.
Avokat Dashi i ka kërkuar nga kryeprokurores Arta Marku të nisë një hetim për Tomor Shkrelin si dhe te hapen tabulatet e bisedave telefonike qe ai ka kryer sot nga ora 8 e mengjesit deri ne oren 14:00.
Ajet Rexhepi u dënua në vitin 2016 nga Gjykata e Rrethit Gjyqësor Sarandë me 25 vjet burg për veprën penale: “Vjedhje në bashkëpunim me pasojë vdekje” dhe “Armëmbajtje pa leje” për një ngjarje të ndodhur në 13 shkurt 2016, në fshatin Shkallë, Bashkia Konispol, ku gjeti vdekjen Pajtim Shehu, 44 vjeç.
(E.L/Faxweb)
Discussion about this post