U plagos gjatë grabitjes në Fier, ndërron jetë pronari i byrektores

Ka ndërruar jetë në spitalin e traumës në Tiranë personi që mbeti i plagosur në grabitjen e djeshme në Fier.

Agur Vrenozi prej ditës së djeshme ndodhej në gjendje të rëndë. Vrenozi u përpoq të ndalte grabitjen e këmbimit valutor, që ishte dhe shënjestër e tre grabitësve. Bashkë me të mbeti i plagosur dhe pronari i exchange-it.

Tre autorët e ngjarjes u arrestuan pak orë më vonë nga ana e Policisë, në përpjekje për t’u larguar së bashku me çantën e parave që kishin marrë.

Tre autorët e grabitjes me pasojë vdekjen janë: Zini Fyraj, 37 vjeç, banues në Sevaster, Vlorë.
Lulëzim Demiraj, banues në Vajzë, Vlorë, Dashamir Gergali, 41 vjeç, banues në Zhupan, Fier.

(E.K/FAXWEB)