Sheshi “Skënderbej” i rikonstruktuar së fundmi me shumë bujë dhe me shumë polemika për shkak të kostos së lartë, po shkon drejt degradimit.
Nga vëzhgimi që Fax News zhvilloi në të gjithë sheshin “Skënderbej”, vuri re se një pjesë e konsiderueshme e pllakave që janë vendosur në këtë shesh janë të thyera.
Gazetarja e Fax News, Eksiola Shehu raporton se projekti për sheshin “Skënderbej” ka kushtuar plot 16 milionë euro, ku pjesën më të madhe të shpenzimeve e kanë marrë pllakat e vendosura në të gjithë këtë shesh të cilat erdhën nga e gjithë Shqipëria.
Për qytetarët e Tiranës, thyerja e pllakave në shesh vjen si pasojë e punës së dobët të kryer për një kohë shumë të shkurtër.
Qytetarët janë shprehur për mikrofonin e Fax News se sheshi është rregulluar dhe rirregulluar disa herë pasi gjithmonë punët janë kryer me paratë e tyre dhe jo të kryebashkiakëve të Tiranës.
Rirregullimi i sheshit “Skënderbej” u bë kryeqendra e fushatës elektorale për Tiranën në zgjedhjet parlamentare nga kryeministri i vendit Edi Rama dhe kryetari i Bashkisë së Tiranës Erion Veliaj.
(F.M/Faxweb)
https://www.youtube.com/watch?v=2ecLOjxcBUM&feature=youtu.be
Discussion about this post