Aktivisti Arben Kola duke folur në studion e Fax News për parandalimin e ndërtimit të hidrocentraleve në zonën e parqeve kombëtare të fshatrave Topojan e Novosej të Kukësit, ka paralajmëruar se çdo makinë ndërtimi që do të shkojë në zonë për të filluar punimet, do të përmbyset.
“Unë vetë do ta bllokoj rrugën me mënyrat e mia, nëse do të vijnë makineritë e ndërtimit. Çdo makinë që do të guxojë të vijë për të ndërtuar do të përmbyset” – është shprehur ai.
Pasi të ndalojmë ndërtimin e HEC-eve që planifikohen, do të fillojmë betejën ligjore me ato HEC-e që janë ndërtuar tashmë pa i pyetur banorët.
Të ftuarit në studion e Fax News, Arben Kola dhe Mirjan Aliaj, njëkohësisht pjesëmarrës në protestën e sotme të banorëve të Kukësit kundër HEC-eve, paralajmëruan se protesta e rradhës do të mbahet shumë shpejt në zonën e fshtarave ku parashikohen ndërtimet dhe sipas tyre, shkatërrimi i plotë i natyrës.
(E.L/Faxweb)
Discussion about this post