Nëse prej kohësh shqiptarët shprehen se nuk ka vende të lira pune dhe janë të keqpaguar, nuk mendon njësoj ish-ministrja e ekonomisë.
Sipas Milva Ekonomit 89 mijë shqiptarë janë inaktivë, ose e thën troç dembelë. E ftuar në emisionin “Debati në Channel One” të gazetarit Roland Qafoku, Ekonomi u mbështet në shifrat e INSTAT duke sqaruar se në popullsinë tonë me 2.87 milionë banorë janë 89 mijë persona që nuk punojnë dhe nuk pranojnë punët që iu afrojnë.
“Ata as nuk kërkojnë dhe as nuk pranojnë punën edhe kur e kanë këtë mundësi”, tha deputetja e PS.
Po a janë vërtet shqiptarët dembelë?! Të paktën mediat e vendeve ku shqiptarët kanë emigruar prej kohësh nuk thonë të njëjtën gjë.
Në Itali apo Greqi shqiptarët janë ndër punonjësit më të aftë dhe nuk iu përtohen as punëve me ngarkesë fizike, me një ndryshim atje paguhen për punën që bëjnë.
(E.K/FAXWEB)
