Të tjera detaje kanë dalë në mbledhjen e Komisionit të Sigurisë për Artur Meçollarin, njërin nga anëtarët e propozuar të grupit negociator për paktin me Greqinë.
Xhemal Gjunkshi, ish-shefi i Shtabit të Përgjithshëm, sot deputet i PD-së, ka thënë se Meçollari është kapur duke vjedhur dhe është përjashtuar një vit nga Akademia Ushtarake.
Në përgjigjen e saj, ministrja Olta Xhaçka tha se incidenti në fjalë ka ndodhur kur Meçollari ka qenë vetëm 18-vjeç, dhe se sipas saj bëhet fjalë për një batanije në kushte “mbijetese”.
DEBATI I PLOTË:
Xhaçka: Meçollari nuk ka dosje. Ju zoti Noka si spiun i serbëve duhet ta dini shumë mirë këtë gjë. pjesëmarrrja e tij në takimet me Greqinë është bërë me leje të Ministrisë së Mbrojtjes me kërkesë të Ministrisë së Jashtme. Meçollari është bashkë me tre të tjerë në cilësinë e këshilluesit. Nuk është e vërtetë që Meçollari ka qenë në përgjim. Ka hyrë në përgjim vetëm një herë me shpresë se do kapej ndonjë gjë nga letrat dacibao. Atëherë për turpin e të gjithëve, nuk u përgjua vetëm Meçollari nga SHIU, por u përgjuan edhe ambasadat e huaja.
Gjunkshi: Pyetja që kam unë është, a ka qenë ndonjëherë i dënuar për vjedhje në ushtri Meçollari?
Xhaçka: Po lini nam tani. Ai ka marre batanijen e shokut kur ka qene 18 vjeç.
Noka: E keni dënuar për vjedhje batanije?
Xhacka: pse vjedhje është se i ka marre batanijen shokut dhe i bën procesverbal per vjedhje? Mos lini name.
Murrizi: Qenka hajdut batanijesh.
Gjunkshi: Ai është përjashtuar një vit nga Akademia.
Xhacka: Tani degjeneroi ne një batanije. Nga spiun i vendeve jo partnere te NATO-s akuzat tuaja degjeneruan në një hajdut batanijesh kur ishte 18 vjeç se donte te ngrohej. Meçollari është një patriot dhe atdhedashës shumë i mirë.
(F.G/Faxweb.al)
Discussion about this post