Microsoft lançon një version të Skype për pajisjet e rangut të ulët

Qasja e re e Microsoft është e ngjashme me atë të Android Go, një version i modifikuar i sistemit operativ i cili konsumon më pak resurse harduerike.

Microsoft lançoi një version të përditësuar të Skype në Android i përshtatur për të funksionuar në pajisjet e vjeta dhe ofruar cilësi video dhe audio më të mirë.

Përditësimi i ri do të ofrohet për versionet 4.0.3 dhe 5.1 të Android. Microsoft thotë se ky version është më i lehtë jo vetëm në hapësirën që zë por edhe konsumin e memories RAM.

Ky version i Skype do të dërgohet në mbarë botën në javët në vijim.

Qasja e re e Microsoft është e ngjashme me atë të Android Go, një version i modifikuar i sistemit operativ i cili konsumon më pak resurse harduerike shkruan PC World Albanian.

Telefonët me këtë sistem operativ janë dizajnuar për të funksionuar në vende dhe rajone me konektivitet të kufizuar interneti.

Edhe Facebook ka ndjekur një rrugë të ngjashme me Messenger Lite dhe Facebook Lite. Tëitter po ashtu ofron një version Lite që nga Shtatori.

(M.Q/Faxweb)