Që prej ditës kur ish-kryeprokurori i Përgjithshëm, Adriatik Llalla ka lenë detyrën, në media kanë filluar të dalin lajme implikuese për ish-drejtuesin e Kryeprokurorisë.
Alfred Peza, drejtues i Alpenews.al, një portal i ri në treg prej mëse dy muajsh publikon në mënyrë periodike artikuj për familjen Llalla.
Nga vajza dhe atletet e saj të shtrenjta, tek mania e djalit të Llallës për makinat e shtrenjta, portali i Pezës është “kujdesur” për të gjitha detajet.
Por duket se tashmë gjërat kanë filluar të bëhen serioze…
Alpenews.al, ka publikuar disa shkrime ku pretendohet implikimi i ish-kryeprokurorit në me persona me rekorde kriminale dhe “skandali” për shitjen e një shtëpie me çmimin e një vile.
Pjesë nga shkrimi i Alpenews:
“Pas kësaj, a ka më njeri që nuk beson në aftësitë e jashtëzakonshme prej magjistari pronash të Adriatik Llallës?! Se mos mendoni se ka diçka tjetër që fshihet prapa trukut të tij, që ja kalon edhe prestigjatorit më të madh në botë David Copperfield?!
Jo. Adriatik Llalla është thjeshtë shumë i zoti. Si një njeri i zhytur në raste të mëdha korrupsioni, siç e përcaktoi Sekretari Amerikan i Shtetit Rex Tillerson. Shumë shpejt, gjithë shqiptarët do ta mësojnë trukun e magjistarit tonë të rremë.”
Por pse nuk i “del” e keqja Alfred Pezës me Llallën? Mos ndoshta sulmi i vazhdueshëm drejt ish-kryeprokurorit të Përgjithshëm, Adriatik Llalla, lidhet me faktin se ky i fundit ishte njeriu që firmosi urdhërin për fillimin e hetimeve për Pezën?!
Llalla nisi hetimet për ish-deputetin që kishte fshehur të ardhurat, duke sjellë më pas efektin zinxhirë të heqjes së mandatit dhe vendosjes së masës së sekuestros mbi pasurinë e Pezës.
Mbetet për t’u parë sesi do rrjedhin ngjarjet në vijim, duke qenë se të tjerë “aktorë” po hyjnë në skenë. Portalet e majta nga njëra anë duke i bërë jehonë artikujve të publikuar nga Peza, dhe të djathtët që nuk i kanë ‘parë’ këto shkrime.
Në këto rrethana vlen të bëhet pyetja naive: A është në një konflikt interesi Alfred Peza me Adriatik Llallën?(F.G/Faxweb.al)
Titujt “dedikuar” Llallës:
